இது உண்மை

இது உண்மை      www.uduvai.blogspot.com

சிறு வயதில்

சில நூலோடு பொழுது போனது

சில விளையாட்டிலும் போனது பொழுது

சகோதரங்களுடன் சண்டைபிடித்ததும் சந்தோஷம்

பெற்றோரிடம் அடி பேச்சு வாங்கினதும்

மற்றவரை மட்டம் தட்டினதும், மற்றவரால்

மட்டம் தட்டப்பட்டதுமாகக் கழிந்த காலம்

இள வயதில்

முகம் பார்க்கும் கண்ணாடி முன் நேரமெல்லாம்

முகம் காட்டவும் முகங்கள் காண்பதற்காகவும்

தலை வாரி,வண்ண மா தடவி தெருவோரம்

தேரென வருவோர் தரிசனத்தில் போனது பொழுது

இப்போதெல்லாம்

கணனித்திரையில் காலம் போகிறது

இணையத்தளம் மின்னஞ்சல் வதனநூல் என

வரிகள் படிப்பதிலும் வடிவங்கள் பார்ப்பதிலும்

நாளும் பொழுதும் ஓடியே போய்விடுகிறது.

இன்னும் சில நாளில்

நோயிலும் பாயிலும் பொழுதைப்போக்கிட வேண்டும்

பாடையில் சுடலை போய்ச்சேரும் வரை…

                               உடுவை.